ZOEN 31th August 2025 : Prime Minister Narendra Modi chu nimin khan China rama Tianjin a thleng a, Shanghai Cooperation Organization Summit vawi 25-na ah a tel dawn a ni. Vawiin aṭangin Summit hi ṭan a ni ang a, Prime Minister hian ni hnih chhung awh tur SCO ah hian a tel dawn a ni.
Prime Minister hi hruaitu dangte nen regional security, connectivity, sustainable development, leh khawvel pum huap thawhhona ang chi thil hrang hrang an sawi ho dawn a. Summit-ah hian kum 25 chhunga an pawl hlawhtlinnate thlirlet a ni ang a, kum sawm chhunga hmasawnna tur ruahmanna pawh siam a ni ang.
China hian SCO Summit hi a vawi ngana atan a thleng dawn a, President Xi Jinping-a’n a kaihruai dawn a ni. Ram hruaitu 20 chuang leh international organization hrang hrang hruaitu 10 chuang tel tura beisei a ni a. He huna tel zingah hian Prime Minister Narendra Modi leh Russia President Vladimir Putin te pawh an tel a ni.
More Stories
Nepal ah Social Media khap avangin buaina chhuak nasa
Sorkar laipuiin GST a lak thenkhat a tihniam dawn
GST Council Meeting nei