ZOEN 30th August 2025 : Bawngkawn Branch YMA chuan thuchhuah siamin an venga cheng Rochhingpuia (44) S/o Haitinsanga Bawngkawn Shalom veng chu an veng Bawngkawn chhuahsan turin an ti.
Branch YMA Bawngkawn chuan Rochhingpuian Bawngkawn Shalom vengin Lalhriatpuia Siakeng (22) S/o Lalrawngbawla, Zotlang, Aizawl Pistol-a a kap chu pawi an tih thu leh thinrimthlak an tih thu an thuchhuahah hian an tarlang a, hengtiang thil hi thleng tawh lo se an tih thu an tarlang bawk a ni.
Bawngkawn Branch YMA chuan Rochhingpuia te chhungkua chu August Ni 30, 2025 zanlai dar 12:00 ral hmain Bawngkawn vengchhung chhuahsan nghal turin an hriattir a, hun tiam chhunga Bawngkawn veng an chhuahsan lo a nih chuan an chungah engpawh thleng se an duhthlanna a ni ang tiin, chhiatni fund leh YMA membership fee pawh an pe let nghal a ni.
Bawngkawn YMA thuchhuah chuan Rochhingpuia hian a phu tawk hremna a na thei ang ber hmu ngei se an duh thu tarlangin, pawi khawihtu chhungte hian Lalhriatrenga Siakeng inenkawlna zawng zawng pawh tum sak vek se an tih thu an tarlang bawk a ni.
Ruihlo hmanga inla lian.. hengho hi khawi veng mahin lo pawm lo se a tha ang.. tualthah te hi an hreh loa nih hi, Engtinge arm licence te hi an neih theih.. ngaihtuahna a ti thu hle mai
Khawi vengah nge an awm tak ang le 😬