ZOEN 1st September 2025 : Chhimbial Chhantu hruaitute leh MJA Lunglei memberte chu vawiin khan Lunglei Press Club Committee Room-ah inkawmhona neiin, Lungleia State University din ngei an duh thu an sawiho.
He hun hi Pu H.Lalthansanga, President, MJA Lungleiin kaihruaiin, Lunglei thanmawh bawk chu “mahni emaw /mahni telna pawlin hmingthatna a lak dawn loh chuan midang hmalakna kan thlawp tha duh lo hi a ni” a ti
Rev.F.Sangvela Chhimbial Chhantu President chuan State University hi Aizawla dah kher hi NEP thil tum ber a niloh thu sawiin Aizawlah bawk bul tan an tum chu a chhan enge a chhan ni ang tih chuan ngaihtuahna a ti thui hle a ni tiin, Chhimbial Chhantu mai nilo, chhim lam mipui hrim hrim hian hian Lungleiah awm se kan duh niin a lang a ti bawk.
Rev F Sangvela leh Pu Lalnunsanga te hian an thusawina ah chuan State University Lungleia dah a nih ngei theih nan hmalakna kal zel turah hian Chhimbial chhantu Committee chuan pawl hrang hrangte nen hmalak ho a nih theih nan MJA hian bul tan se an duh avanga MJA te nen pawh inkawmna hun neih chu rawt a nih thu sawiin,MJA te hian bul tan sak se tha ber tura an ngaih thu an inkawmhona ah hian an sawi bawk a ni.
Hemi chuangchangah hian MJA te chuan Chhimbial Chhantu hruaitute chu an duhdan lehkha ziaka thlen tura ngenin lehkha an hmuh velah ngaihtuah a hmalak an tum tih an sawi.
MJA president thusawi hi a dik chiah… mahni lansarhna nilo ah chuan che chhuak duh miah lo mihring leh pawl hi an awm nuk mai. hminghmera sawi te pawh a chak awm