Bharat Darshan Tour a kal tur Lunglei a School naupang BHSS leh Sacred Heart School naupang 20 te chu tukin khan Comdt 92 BN BSF Sanjay Chowhan an thlahna hun hmangin a vailiam.
Bharat Darshan a kal tur thlahna hunah hian Comdt. Sanjay Chowhan chuan Ministry of Home Affairs in Border a cheng te tan he programme hi a buatsaih a nih angin BSF kutah dah a ni a ti. Saitual leh Mamit atanga kalte nen an vaiin zirlai 40 vel an kal dawn tih a sawi. Delhi-ah hian Mahatma Gandhi thlan te, Qutab Minar, Red Ford , Parliament House etc tlawh tur tam tak ruahman sa a ni tih sawiin shopping na hun siam sak an ni bawk ang a ti.
He hunah hian Dy Comd.Mobi Letzing pawhin fuihna thusawiin zirlai te chu hun vawng dik tur te leh midang nghah ngai a awm lo tur te a chahin bazar dan leh thildang hriattur te a hrilh a, Delhi a hmun pawimawh hrang hrang fanpui an nih dawn thu leh Minister of State for Home Affairs bakah BSF hotu lian leh mi pawimawh dang te an hmu dawn tih a sawi a. Delhi ah hian BSF Camp, Chhola ah an awm dawn tih sawiin, thil pawimawh hrang hrang a hrilh.
Bharat Darshan Tour a kal tur te hian tukkin khan Aizawl panin naktukah an thawmhnaw haktur Truck suit pe in a tul ang in an taksa mil tawk a fit a ni ang a, Nilaini 3rd Sept-ah Mizoram Larsap hmu in hemi hnu hian Delhi an pan ang. 8th Sept.25-ah Mizoram panin an rawn let leh ang. Zirlai te hi Sacred Heart leh BHSS a zirtirtu pakhat ve ve in an tawiawm a, zirlai te hi academic a ti tha leh thuawih te an thlang tih an sawi.
More Stories
Lunglei ah World Rabies Day hman a ni
Mizoram hmung hrang hranga Sazu puang chuan Scrub typhus natna a pu darh nasa tih finfiah a ni a
GST 2.0 Kalpui hnua rate thar hmang lo mi engemawzat pawisa chawi tir an ni