Vawiin tlai khan tun inrinna kalta a Pu K Sapdanga, Home Minister leh Pu TBC Lalvenchhunga, Adviser to CM ruahmmanna leh nimin lama Pu Lalfamkima, Bialtu MLA leh deputy speaker ni bawk kaihhruaina hnuaia Pu Robert C Lalhmangaiha, Kolasib DC leh Pu David H Lalthangliana, Kolasib Sr SP te leh Department kaihhnawih thenkhat te thurel bawhzuiin vawiin chawhnu khan NH 306&06 kawng dunga lirthei tangkhang driver te hnenah ei
tur leh tui thianghlim pek an ni.
Vawiina a mawmawhtute hnena sem hna hi Kolasib atanga hmar lamah chuan KDTOA & MTDA leh an phungbawmte an kalpui a, chhim lam chu Kolasib Sub-Hqrs. YMA ten an kalpui bawk a ni. Vawiin a lirthei khalhtute hnena eitur semchhuah te hi buhfai, Alu, dal, tel, purunsen leh tui thianghlim te an ni.
Tun hnaiah hian NH306&06 kawng chhe thawmthat hna thawh mek anih avang hian kawngpui dungah lirthei thahnem tak a tangkhang a. Lirthei tam zawk dinna hmun te hi Rengtetlangsang, Bilkhawtlir, Bualpui , Kawnpui leh Khamrang bulah te an ni. Vawiin a khawchhia leh ruahsur hnuaia Driver tangkhangte hnena eitur sem tur hian mi thahnem tak an thawkchhuak a ni.
Good