Lirthei a Eizawng Pawl Hrang Hrang te Joint Committee-in Vairengte leh Aizawl inkar kawngchhia thawm that hna thawh mek chu vawiin khan an endik a, an beisei a phak loh thu leh zankhat thil thuah rah chhiat leh vek hlauhthawnawm an tih thu an sawi.
Lirtheia Eizawng Pawl Chief Convener Pu Robert Lalrinawma chuan Akashvani Aizawl zawhna chhangin, Lirthei a Eizawng Pawl Hrang Hrang Joint Committee atangin Earth Movers Union, ZDU, MTOA, MTA, Mizoram Commercial Tippers Association, Fak Hlawh lo Valrual, 407 Association leh Tanker Association tiamin pawl hrang hrang an kal tih a sawi a, kawng siam mek chuan an beisei a pha lo a, hetihrual hian fur lai a nih avangin tih vak ngaihna a awm lo a ti a, tun dinhmunah sorkar in lirthei chhuah tir ta se, tuna kawng an siam ho pawh zankhat thil thuah an rap chhe leh vek ang tih a hlauhthawnawm a ti. A bikin Khamrang a Mega Food Park te chu dinhmun derthawng zual an ni a ti a, lirthei ke 14 chin chunglam tlan phal loh an nih avangin an ding rih vek a, heng ho hi an tlan chhuah tir chuan kawng siam mek chuan zankhat a daih an rin loh thu sawiin, beidawnthlak an tih thu a sawi a ni.
Pu Robert Lalrinawma chuan Mizoram sorkar thuchhuahah chuan August ni 7 thleng kawngpui siam a ni ang a, ni 8 leh ni 9-ah lirthei chhuah tir a tum a, hetihlai hian Lirtheia Eizawng Pawl te erawh chuan ni 9 thleng uluk takin siam se an duh a, sorkarin lirthei te a chhuah tir dawn a nih chuan heng kawng chhe zual te siamtha nghal zel turin lung bakah excavator, JCB leh hnathawktute duty turin dah reng thei se tlemin a ziaawm theih a rin thu a sawi.
More Stories
Lunglei ah World Rabies Day hman a ni
Mizoram hmung hrang hranga Sazu puang chuan Scrub typhus natna a pu darh nasa tih finfiah a ni a
GST 2.0 Kalpui hnua rate thar hmang lo mi engemawzat pawisa chawi tir an ni