Mizoram hmung hrang hranga Sazu puang chuan Scrub typhus natna a pu darh nasa tih finfiah a ni a

PUC Department of Zoology-a Vector borne disease research laboratory chuan thuchhuah siamin, Mizoram hmun hrang hrangah Sazu puang leh buh eitu an tam thu te, tur hmanga hrai tuma hma lakna a awm thute chanchinthar lamah a lang a, hemi chungchanga Pachhunga University College a thawkte leh khawvel ram danga mi thiamte zir chiannaa tarlan a nih dan chuan Sazu-te hian natna hrang hrang an pu darh ṭhin a, a bik takin Mizoramah Rannung seh (Scrub typhus) natna a pu darh nasa tih finfiah a ni tawh tih an sawi a. Mizoram buh eitu sazute tura hrai emaw, thang hmanga awk emaw, silai leh hmanraw dang hmanga suat tumtute chu kut lawnga khawih lo tur leh thuamhnawa sazu hrik a kai lohna tura fimkhur turin an chah bawk a ni.

Health Dept chuan thuchhuah siamin, tunlai hian Mizoram hmun hrang hrangah Rawṭhing (mau) tam vangin sazu a puang a. Lunglei district a Mamte leh Lungrang khuaah te, Serchhip district a Khawbel khuaah te leh hmun hrang hrangah chuan buh an seh chhiat vangin tura hrai te a ni bawk tih sawiin sazu in mihringa natna chi hrang hrang a thlen theih lakah mipuite in veng turin an hriatti ar.

1. Khawsik
2. Tha na
3. Tihrawl na
4. Chau
5. Thalbe vung
6. Pumna leh kawṭhalo
7. Luak
8. Ruhchuktuah vung leh na, taksa durh leh pan

te a ni a, nunna atan a hlauhawm avangin a rang thei ang berin doctor hnai berah inentir tur a ni. Kai lo tura kan inven ṭhat a ngai a, In leh a vel vawn fai te, inchhung a sazu luh theihna tur kua leh awng tih phui te, ei leh in ningnawi paih na felfai tak siam leh sazu luh theih lohna tura siam te, thang/sazu ban kam te leh a ṭul chuan tur hman te a ni. A nung lai man emaw a thi kan khawih dawn a nih pawhin kut lawnga khawih loh tur a ni.