Lunglei ah World Rabies Day hman a ni

ZOEN 27th Sept. 2025 :Dist. AH&Vety Office Lunglei buatsaihin vawiin khan Dist. Vety Hospital Lungleiah World Rabies Day hman a ni.

Dr. Ngurzidingi Sailo(Dist AH & Vety Officer) Lunglei kaihhruai ah hian Dr. B. Lallawmsanga Jy. Director, Southern Zone chuan thusawiin Rabies hi natna hlauhawm tak, virus chi khat Lysso virus in a thlen a ni a ti a, ran leh mihring a inkaichhawn theih(Zoonotic disease ) a ni tih sawiin kan ran vulh te vaccine pek a pawimawh hle a ni a ti.Khawvel puma ram 150 zetah Rabies hi buaipui a niin WHO chhut dan phei chuan kum tin mi 59,000-70,000 vel zet in Rabies natna hi an thih pui a ni a ti. Mihring in Rabies kan kai na tam zawk chu ui seh atangin a ni a, Ui vulhtu te chu an ui te regular taka vaccine pe a, National rabies Control Programme(NRCP) tum dan ang a kum 2030 ah chuan Rabies avanga thihna awm tawhlo tur a hmalak pui turin a ngen.
World Rabies Day hman naah hian Ui leh zawhte engemawzat a thlawn a vaccine pek a ni a, vaccine hi engtihlai pawhin Dist Veterinary Hospital, Farm veng ah Office hour chhungin a lak theih reng a ni an ti. Heibakah hian ran zai tur duh tan thawhtanni atanga nilaini chawhma dar 10 atanga dar 12 chhunga hming ziakin zai tir theih a ni bawk.