ZOEN 30th August 2025 : Dr Lalmalsawma Nghaka’n MPCC Treasurer chuan ZPM chu an intiam loh ang hlira an kal ta mai chu Zoram mipuiten mak an tih thu sawiin an kal dan enin kalphung thar aiin kalphung dik an mamawh zia a lang chiang hle a ni a ti.
Dr Lalmalsawma Nghaka hian he thu hi Mamit District a tlawha a thusawiah sawiin, an party chuan Zoram Dam Lehna Tur Policy an duan mek thu a sawi a. Zoram Dam Lehna Tur Policy nen hian an sorkar leh dawn thu sawiin policy duan mek chu ZPM research an tih te, MNF party policy te nen khaikhin chi a ni lo tih a sawi a. An ni chuan kum engemawzat an zir tawh thu leh kimchang taka tlangzarh hun lo nghak hram hram tura Zoram mipuite an ngen thu a sawi a ni.
Dr. Lalmalsawma Nghaka chuan Zoram Dam Lehna Policy an duan mek chu Mizoram mil zawng leh Mizoramin a zawh tawkin an duan mek thu a sawi a. NLUP changtlung zawk tih te, NLUP tha mi ti tea sawi a ni bawk tih sawiin an hotuten an rawn her rem zel tur thu leh Congress party chuan an tih hlawhtlin theih ngei tur policy an chhawp chhuah dawn thu a sawi bawk.
More Stories
Lunglei ah World Rabies Day hman a ni
Mizoram hmung hrang hranga Sazu puang chuan Scrub typhus natna a pu darh nasa tih finfiah a ni a
GST 2.0 Kalpui hnua rate thar hmang lo mi engemawzat pawisa chawi tir an ni