ZOEN 30th August 2025 : Prime Minister Narendra Modia chuan India leh Japan ten kum 10 lo awm tur chhunga hmasawnna tur ruahmanna roadmap an siam a ti. Heng ruahmannate hi investment, ngaihtuahna thar hman, eibar zawnna nghet, technology, mipui inpawhtawnna leh an chhehvela thawhhona tha zawk neih te a tel a ti a. Pu Modia chuan small and medium enterprise te thlurbik an ni ang tih sawiin Japan Company te chu Make in India leh Make for the World ah tel ve turin a sawm bawk a ni.
Nimina Tokyo-a India-Japan Annual Summit vawi 15-naah PM Modia leh Japan PM Shigeru Ishiba te hi telin, he summit ah hian hruaitu pahnihte hian India leh Japan inkara thawhdunna hrang hrangte zau takin an sawidun a. Special Strategic and Global Partnership hmasawnna tur an sawiho a. Thuchhuah intawm an siamah PM Modia chuan an sawihona chuan rah tha tak leh tum fel tak a neih thu a sawi a. Khawvel himna leh muanna atan India leh Japan inlaichinna tha chu a pawimawh a ni a ti bawk.
Japanese Prime Minister Shigeru chuan India chuan khawvel siamthatna a thlen mek a ti. Japan leh India ten an inlaichinna an tihngheh zel avangin khawvela harsatna thleng mek hmachhawn kawngah leh mipuite sum leh pai tihpun zel kawngah ram pahnihten tum inang neiin hma an la zel a ni a ti bawk..
More Stories
Nepal ah Social Media khap avangin buaina chhuak nasa
Sorkar laipuiin GST a lak thenkhat a tihniam dawn
GST Council Meeting nei