ZOEN 30th August 2025 : Nizan dar 9:00PM vel khan Mamit Vaubekawnah Truck buhfai phur chesualin chenna in su a, a hmunah Truck khalhtu hi a boral.
Thudawnna in a tarlan danin buhfai phur truck MZ01/Q0937 Damthanpara khalh chuan Mamit Vaubekawna Pi TBC Lalramthangi te Garrage su in, Garage a an Car dah hmalam chu a su chhe hle a, hemi hnu hian Pu Rinsanga te Choka chu hnawl phei lehin, motor hmalam hi a tawm chhe hle a, heihian driver hi chilh betin, a hmuhah a boral a ni. Driver ruang hi motor hmalam tawm hian a chilh beh tlat avangin lak chhuah theih mai a ni lo va, zing lam dar 1:30 velah an la chhuak thei chauh a ni.
Drive Damthanparia ruang hi Mamit Hispitalah lak a ni a,vawiin lamah postmortem a nih hnuah an khua Manipur lam panpui tura ruahmanna siam a ni. He motor-ah hian chuang ve dang an awm lo nia hriat a ni a, motor in a sut chokaah hian in neitute an awm loh lai tak anih avangin in chhunga chengte thi leh hliam an awm lo a ni
More Stories
Lunglei ah World Rabies Day hman a ni
Mizoram hmung hrang hranga Sazu puang chuan Scrub typhus natna a pu darh nasa tih finfiah a ni a
GST 2.0 Kalpui hnua rate thar hmang lo mi engemawzat pawisa chawi tir an ni