Zotlang tlangval Bawngkawn-ah Silai-a kah a ni

ZOEN 30th August 2025 :  Nizan dar 9:50 khan Lalhriatrang Siakeng (21) S/o Lalrawngbawla chu Rochingpuia (44) s/o Haitinsanga Bawngkawn Shalom Veng chuan Silai in kap.
Thudawnna in a sawi danin Rochhingpuia leh Lalhriatrenga hi Bawngkawn kawng pheiah intibuaiin Rochingpuia hian a car atanga pistol (7.65 bore US siam) chu lain Lalhriatrenga awm hnuai ah hian a kap a, Lalhriatrenga hi a bulhnaia lo awm ten Greenwood Hospital an panpui nghal a, Greenwood Hospitalah enkawl mek a ni.
Thudawnna in a tarlan danin Rochhingpuia leh a silai bakah a licence chu Police ten man nghalin, Lalhriatrenga pa Lalrawngbawla pain FIR a thehluh angin thubuai ziahluh nghal a ni.

He pawikhawihna chungchangah hian Lalhriatrenga Siakeng te chenna veng Aizawl Zotlang Local Council leh YMA te chuan thuchhuah siamin, he pawi khawihtu Rochhingpuia hi ruihhlo meth zawrh avanga a chenna veng hmasa atanga hnawhchhuah tawk tawh  a nih thu an tarlang a, hetiang ram leh khawtlang duhloh thila inhnamhnawih thin ten khawpui laili laia pawi rapthlak tak an khawih ngam ta mai hi pawi an tih tak zet thu an thuchhuah chuan an tarlang a ni. He pawikhawihna ah hian pawi khawihtu hian a phu ang tawk hremna hmu ngei se an duhthu tarlangin, pawikhawihtuin hremna a hmuh ngei theih nan theihtawp an chhuah dawn thu an thuchhuah hian a tarlang a ni.