State University nei turin Zirna In sang panga awmna a tawk – C. Ngunlianchunga

ZOEN 29th August 2025 : Pu C. Ngunlianchunga MLA MPCC Vice President ni bawk chuan vawiin Congress Bhavan-a Politica Session neihna-ah thusawiin State University Aizawla din tum mek ngaihtuah chian a tul a ti.

Pu Ngunlianchunga chuan Aizawl ah hian zirna in pawimawh zawng zawng heng MZU, NIT, ZMC, RIPANS, MCON, Law College, IASE, Vetty College, ICFAI leh College lian tak tak te a awm vek tawh a, chutih lai meka Aizawl bawka din tum a ni chu an ti lutuk a, Mizoram hmasawnna turin hmun dang tih hmasawn a ngai a ti..
Pu Ngunlianchunga chuan RUSA Guidelines vangin Aizawlah bak a dah theih loh niin sawi a ni a, hei hi hriatsual a ni tih sawiin, guidelines ang chuan state university dinna turah college 3 atanga 5 a awm a ngai a, hmarchhak hum chhungah erawh college 2 leh 3 neih a tawk tih a nih avangin zirna in sang 5 awmna Lunglei chuan state university nei turin a pha hle a ti a, Hmarchhak state dang Nagaland, Meghalaya leh Assam ten an state capital pawn lamah Central University an dah laia Aizawlah bawk dah leh tum chu ZPM sorkar chuan ngaihtuah nawn leh se a duh tih a sawi a, Congress an sorkar a nih chuan Lunglei ah Engineering College an din sak angin State University pawh an din leh mai dawn niin a sawi bawk.