ZOEN 28th August 2025 : Chief Minister Pu Lalduhoman sawhthing leina man la pek chhuah loh chu pawisa an neih loh vanga pe lo an ni lova, fello chinfel ngai chinfel apiang te hnenah pekchhuah zel a ni a ti.
Vawiin Assembly session-a sawhthing chungchang zawhna chhanaah House Leader chuan sawhthing man an pek tur hi cheng vbc 95 leh nuai 63 vel a chhut mek a nih thu a sawi a, budget a cheng vbc 110 ah dah a a daihlo zawng chu handholding atangin an pe dawn a, a inpeih apiang an pe zel ang a ti.
ZPM sorkar flagship programme Bana Kaih- Handholding Scheme hnuaiah sawhthing leina tur hi dah tel a ni a ti a, sawhthing ah chauh dah lovin, entreprenur te, innovator te tan te, special package poh dah vek a ni, a, a tul apiangah an hmang zel dawn a ti.
Vawiin sessiona zawhna chhangin Agriculture Minister Pu PC Vanlalruata chuan kum, 2025 feb 20 leh june ni 30 inkar chhung khan sawhthing an lei a, aug ni 16 thlenga report an dawn danin, sorkarin sawhthing alei zawng zawng zat hi qtl nuai 3 sing 4 & 5943 a ni a, sum sen zat hi cheng vbc 70 leh nuai 19 vel niin, a la pung zel a ni a ti.
Sawhthing hi thuang hnihah an lei a, Phase 1 chu feb 20 atanga april 20 chhungin an hawng a, hetah hian kg ah cheng 50 in an lei a, phase 2 chu april 21 atanga–june30 chhung niin company hnenah auction in an hralh a, a leitu company te hian lei zuiin an leina man cheng 50 a tlin lohna zawng support price sorkarin a pe a ni, a ti.
Agriculture Minister chuan Sawhthing leikhawl te hi hralh chhuah lehnghal a ni tih sawiin, auction ah a chhang sang ber hnenah a hralh chhuak leh a, sorkarin sawhthing lei nana a sum sen atang tun dinhmunah cheng vbc 17 leh nuai 78 hmuh let a ni a ti a ni.
Agriculture Minister Pu PC Vanlalruata’n sawhthing ching ve lote’n sawhthingah hlawkna tel an tum tih sawiin, chumi chuan payment pek kawngah harsatna a thlen tih House a hrilh.
Mizoram Legislative Assembly Session vawiina neiha zawhna leh chhanna huna zawh belhna a chhannaah Agricuture Minister chuan hemi chungchangah hian a bik takin khawchhak lam, Burma ramriah buaina an tawh nasat thu a sawi a, sawhthing ching ve lote’n Burma sawhthing lalutin an lo hralh ve tih sawiin, social audit an neihnaah enge maw zat hetiang hi an hmuhchhuah thu a sawi. Hei hian Secondary Collection Centre dangte a ti rinhlelh awm vek tih sawiin, social audit an neih atangin sawhthing ching ve lo, portal-a upload tawh si an awm tih an hriat thu leh chu chuan buaina a thlen thu a hrilh.
Sawhthing hralhtuten a hun taka pawisa an dawn loh chhan dang sawi bawkin, sorkarin sawhthingah Market Intervention Scheme (MIS) central-a an dil, chu chuan payment tam tak a tikhawtlai tih a sawi bawk a ni.
More Stories
Lunglei ah World Rabies Day hman a ni
Mizoram hmung hrang hranga Sazu puang chuan Scrub typhus natna a pu darh nasa tih finfiah a ni a
GST 2.0 Kalpui hnua rate thar hmang lo mi engemawzat pawisa chawi tir an ni