ZOEN : 28th August 2025 : Land Revenue & Settlement Department changtu Minister Pu B. Lalchhanzova’n Riverine Reserve Forest area huamchhunga tunhma atanga Huan/Ram/Inhmun Pass nei tawhte ram chungchangah sorkarin a chhuichiangtu tur Special Investigation Team a din tawh a, hma a la mek tih a sawi.
Vawiin Assembly Session-ah he thu hi zawhna leh chhanna hunah sawiin, Minister Pu B. Lalchhanzova chuan Riverine Reserve Forest area huamchhunga tunhma atanga Huan/Ram/Inhmun Pass nei tawhte ram chungchang ngaihtuahin Sorkar-in hma a la mek a ti a.Supreme Court-in Forest Area-a mimal ram awmte chungchang chhuichiangtu tur Special Investigation Team (SIT) din tura State leh U.T tin Sorkar-te a tih angin, General Administration Department chuan August ni 19 khan Special Investigation Team (SIT) chu Notification chhuahin a din tawh tih a sawi a. Riverine Reserve Forest huamchhunga Huan/Ram/Inhmun Pass, Court thutlukna awm hma a lo nei sa tawh te Pass renew phalsak dan chungchangah pawh sorkarin hma a la mek tih a sawi a ni.
More Stories
Lunglei ah World Rabies Day hman a ni
Mizoram hmung hrang hranga Sazu puang chuan Scrub typhus natna a pu darh nasa tih finfiah a ni a
GST 2.0 Kalpui hnua rate thar hmang lo mi engemawzat pawisa chawi tir an ni