Kutdawh khapna dan siam tur chu vawiin ah pass a ni

ZOEN 27th August 2025 : Mizoram Legislative Assembly thukhawm chuan kutdawh khapna dan siam tur, Mizoram Prohibiton of Beggary Bill a pass.
Bill pu lut tu Social Welfare Minister Pi Lalrinpuii chuan Mizoram Prohibiton of Beggary Bill chu Karnataka Beggary Act 1975 entawnin, Mizoram milin an herrem tih a sawi a, Social Welfare Department in survey an neihah kutdawh thin mi 30 chuang an awm avangin Mizoram Prohibiton of Beggary Bill chu danah a chan ngei theih nan a pulut tih a sawi.
Minister chuan an bill putluhah chuan local relief board-ah a tul angin NGO leh Kohhran te member an nih theih thu te, kutdawh te chu receiving centre-ah dah phawt an ni anga, darkar 24 chhungin an chhungte hnenah emaw an lo kalna state ah dahkir dan tur ngaihtuah an ni dawn a, haw na tur nei lote chu relief centre-ah dah an ni dawn a, hetah hian anmahni enkawl dan tur ngaihtuah a ni dawn a ti.
Aizawl kawtchhuah Sairangah rel a lo luh theih tawh avangin kutdawh tam tak lo luh theihna a awm ati a, hei bakah hian Mizo khawtlang leh kohhranten mi chhumchhia te an chhawmdawl thin avangin Mizoram chu an tanrual chuan kutdawh awm lohna state ah siam theih a nih thu a sawi.