ZOEN 26th August 2025 : Ni hnih awh tur Mizoram Legislative Assembly fur thutkhawm naktuka tan tur a ngaihtuah turin dan thar siam tur pahnih leh dan dinglai siamthat tur pahnih a lut tawh.
Thudawn nain a tarlan danin, sorkar dan siam thar tur hi Urban Development & Poverty Alleviation (UD&PA) Department atangin The Mizoram Local Body Ombudsman Bill 2025 leh Social Welfare Department atangin kutdawh khapna dan siam tur duan – The Mizoram Prohibition of Beggary Bill, 2025 bakah The Mizoram private placement agency (amendment) bill, 2025 te chu thehluh a ni tawh a, hei bakah hian Land Revenue & Settlement (LR&S) Department atangin dan ding lai siamthat rawtna The Mizoram Land Revenue (Amendment) Bill, 2025 leh The Mizoram private placement agency (amendment) bill, 2025 chu an dawng tawh bawk.
Official Resolution pakhat a lut tawh a, hei hi Environment, Forests & Climate Change (EF&CC) Department atanga lut a ni a, Assembly inkhawma tawngka a chhan chi (starred question) 350 leh ziaka chhan chi (unstarred question) 124 a lut tawh tawh a, heibakah hian Bill pakhat lut Speaker-in a la admit loh a awm a, a admit chuan a vaiin Bill 5 a lut dawn a ni.
Tun tum assembly fur inkhawm hi Assembly kal mek 9-na a inkhawm vawi 5-na tur a ni dawn a. Assembly speaker Pu Lalbiakzama hova business advisory committee (BAC) thukhawm chuan inkhawm hi ni 2 chhung, August ni 27 leh ni 28 ni turin an rel a. Session tan ni ah hian Dampa bialtu MLA Pu Lalrintluanga Sailo sunna hun hman a ni ang.
More Stories
Lunglei ah World Rabies Day hman a ni
Mizoram hmung hrang hranga Sazu puang chuan Scrub typhus natna a pu darh nasa tih finfiah a ni a
GST 2.0 Kalpui hnua rate thar hmang lo mi engemawzat pawisa chawi tir an ni