ZOEN 27th August 2025 : Health Minister Pi Lalrinpuii’n Private damdawiin te nen CT Scan chungchanga an inrem loh chhan chu cashless an duh loh vang a nih thu a sawi.
Vawiin Assembly Session-a zawhna leh chhanna hunah he thu hi sawiin, Health Minister Pi Lalrinpuii chuan, Private damdawiin ten MUHCS an zawm duh loh avanga Sorkarin sum sen a tlem zat an chhut lo tih a sawi a, Private Hospital te nen CT Scan chungchanga an inrem loh chhan an sawi ber chu cashless an duh loh vang a ni tih sawiin, Cashless chu an policy a nih avangin mipuite hamthatna turin cashless ngeiin tih nise an ti a, hemi chungchangah hian private damdawi in te nen an la inbe reng a, an pawm theih thuai an beisei tih a sawi a ni.
Health Minister chuan tun dinhmunah empanelled hospital 11 a awm mek tih sawiin, hemi bakah hian day care 3, state pawnah 25 leh deemed empanelled 13 a awm mek a ti a, Hei bakah hian ZMC&H chuan Medical Council of India (MCI) permission chu a kum te te in an nei tih sawiin, kum 2 atan an pe leh phawt a, an pek chhoh zel pawh a ring tih a sawi a ni
More Stories
Lunglei ah World Rabies Day hman a ni
Mizoram hmung hrang hranga Sazu puang chuan Scrub typhus natna a pu darh nasa tih finfiah a ni a
GST 2.0 Kalpui hnua rate thar hmang lo mi engemawzat pawisa chawi tir an ni