ZOEN 26th August 2025 : Ramchhunga state hrang hrang Goods and Services Tax dinhmun tarlanah Mizoram GST chu thla 4 chhung a zawnin a tlahniam a, Hmarchhak State dangte chhiah khawn tla hniam awm ve bawk mahse Mizoram tlak hniam dan anga hniam a awm lo a ni.
Kumin Financial year 2025-26 thla 4 chhunga Mizoram GST khawnin nikum 2024-25 thlà thum chhung khawn a phak lohna April ah (-) 28% a ni a, May ah (-) 26% niin June ah (-) 29% leh July ah (-) 21% in a phak lo a, State dangte nen khaikhinin Mizoram GST chhiah khawn hi a hniam hle a ni.
Ramchhunga state hrang hrang Goods and Services Tax dinhmun tarlanah Mizoram GST chu nikum 2024 July thla chhunga khawn aiin za zela -21% in a tla hniam a, nikum July thlaa GST khawn hi cheng vbch 8 zetin a phak lo a ni.
Ministry of Finance tarlan danin India ram chhiah khawnna atan July 2017 aṭangin GST hman anih hnuah rampum huapa GST khawn chu a pun belh zel a, nikum 2024 July thlaa GST nena khaikhinin a punna chu za zela 7.5 % a ni a, Thla 4 chhung (April leh July inkar) chhunga India ram GST khawn zat hi cheng vbch nuai 10.7 a tling tawh a, nikum hetiang hun chhunga khawn zat cheng vbch nuai 8.18 a ni.
Ministry of Finance tarlan danin nikum July 2024 thla GST chhiah khawn zat kumin July 2025-a khawn tling lo state 9 an awm a, nikum khawn zat phak lo nasa zualah Manipur minus 36% leh Mizoram (minus 21%) chu langsar zual a ni.
More Stories
Lunglei ah World Rabies Day hman a ni
Mizoram hmung hrang hranga Sazu puang chuan Scrub typhus natna a pu darh nasa tih finfiah a ni a
GST 2.0 Kalpui hnua rate thar hmang lo mi engemawzat pawisa chawi tir an ni