Maubawk venga kum 80 mi Pi Runliani thih chungchangah Police ten rinhlelh thil thu ah mi 5 an man tawh a, chhui zui mek niin rinhlelh thil thua an man te hi thu zawhfiah an ni.
Maubawk venga Pi Runliani hi nimin khan a chenna inah thi a hmuh a ni a, thah ngei nia hriat anih avangin Mizoram Police ten hma an la nghal a, thudawn danin rinhlelh thil thuah mi 5 an man tawh a, tual thattu tak erawh hriat la ni lo mahse Police ten an chhui zui mek a, rinhlelh thil thua an man te hi thu zawhfiah mek an ni.
Pi Runliani hi a fanu leh a tupa nena cheng niin an in chhungah eichawp dawr an siam a, a chenpuite hi thil thlen lai hian inah an awm lo niin thu dawn a ni a, an dawra thil lei tur mi pakhatin thiin an inah hian a hmu a, a hrawkah chema zaina hnuhma a awm a ni.
Pi Runliani thih chungchangah hian MHIP General Headquarters chuan thuchhuah siamin Pu Runliani rawng taka thah ani chu pawi antih thu an sawi a, a chunga kutthaktu chu man ngei ni se an duh tih sawiin a phu tawk hremna pek ngei ni se an ti a, hmeichhe kum upa chunga thil thleng chu an ngai thiamlo hle tih sawiin thleng nawn tawhlo se an duh thu an sawi bawk.
More Stories
Lunglei ah World Rabies Day hman a ni
Mizoram hmung hrang hranga Sazu puang chuan Scrub typhus natna a pu darh nasa tih finfiah a ni a
GST 2.0 Kalpui hnua rate thar hmang lo mi engemawzat pawisa chawi tir an ni