ZOEN 20th August 2025 : Vawiin khan Lai Autonomous District Council a Protem Chairman atan MDC Pu Lalthanmawia Colney chu Pu David Lalrinawma’n Additional DC, Lawngtlai in rinawmna tiamtirin a lalut.
He Protem Chairman lakluhna hi Additional DC Chamber ah neih niin, United Democratic Alliance a MDC leh mipawimawh dangte an tel a ni.
LADC a Pu N.Zangura kaihhruai, United Democratic Alliance sorkar an pian chhoh hnuah hian Chairman Pu T Zakunga leh Deputy Chairman C Biakthansangi te chuan nimin khan banna an thehlut a, hemi hnu hian CEM rawtna pawmpuiin Governor chuan Protem Chairman atan Pu Lalthanmawia Colney a ruat a, Protem Chairman kaihhruaina hnuaiah Zirtawpni August 22, 2025 khian LADC Session ah Chairman thar thlan tum a ni.
Ruahman lawk ang chuan Zirtawpni ah Chairman thar thlan zawh, chawhnu lam ah CEM Pu N.Zangura’n thlawptu a neihdan House ah fiah tum a ni.
More Stories
Lunglei ah World Rabies Day hman a ni
Mizoram hmung hrang hranga Sazu puang chuan Scrub typhus natna a pu darh nasa tih finfiah a ni a
GST 2.0 Kalpui hnua rate thar hmang lo mi engemawzat pawisa chawi tir an ni