Bairabi-a ILP pek chhuahnaah MZP sub headquarters-te an duty

 

MZP President Lalthianghlima chuan tun August thla chhungin mi 2,573 hnenah ILP pek chhuah niin, thawhtanni bikah mi 544 hnenah pek a ni a, August thla chhunga ILP pek chhuah hi chawhrualin nitin mi 140 bawr vel zel a nih lai a, mi 544 zet an lo lut chu ngaihthat thlak loh an tih thu sawiin, an zingah hian CAPF sipai lakluh chhuanlama admit card neite awm mah se, an ngaih an ti tha lo a ti .

 

MZP President chuan tunhnaiah Nagaland-ah mini truck 100 chuanga mihring khat vek chu Nagaland Police leh Nagaland Student Federation ten an nawr kir tawh a, chutiang a nih avang chuan Mizoramah pawh hmalak a tul takzet a ti a, nimin vek khan Home Minister Pu K. Sapdanga chu a office-ah hmu nghalin, Assam-in dan lova an rama awmte an hnawhchhuah mek hi Mizoramin a tawrh theih avangin ramriah Sipai leh Police tam zawk duty dah tur leh Assam atanga lo lut turte chu uluk taka an document-te check turin an ngen tih a sawi a, Mizorama hnamdang awmte pawh Dan lova Bangladesh atanga lo lut an nih leh nih loh tih a rang thei ang bera dap chhuak vek tura an ngen thu a sawi.

Vairengte leh Bairabi-a ILP pek chhuahnaah MZP sub headquarters chuan an theih ang angin an tawiawm ve a, Aizawl chhungah pawh a theih ang angin ILP te an endik ve dawn a, a tul angin hma an la zui zel dawn tih a sawi a ni .