ZOEN 19th August 2025 : Vawiin khan Northeast Frontier Railways Chief Engineer (Construction) Pu Vinod Kumar chuan Chief Minister Pu Lalduhoma hmuin Sairang rel station sak hna an thlen tawh chin a sawi fiah.
Chief Engineer hian Sairang station awm dan hrang hrang chipchiar takin a tarlang a. He station-ah hian platform inkalpawh tawnna tur Subway pathum a awm dawn a. Khualzin lo thleng tharte chu leihnuai platform-atanga chhuakin ILP Check Post paltlang zelin an chhuak ang a. Bungraw hlanna platform lamah State Taxation hmunhma tur dahna hmun tur siam a ni bawk ang.
Chief Minister-in Union Railway Minister Pu Ashwini Vaishnaw hnena a lo thlen tawh angin, he station hi World Class station ni tura thuam that chhoh leh tur a ni a, Sairang rel station hi Prime Minister Pu Narendra Modi chuan a rawn hawng tura beisei a ni a, hemi atana inbuatsaihna pawh vawiin khan an sawi nghal a ni.
More Stories
Lunglei ah World Rabies Day hman a ni
Mizoram hmung hrang hranga Sazu puang chuan Scrub typhus natna a pu darh nasa tih finfiah a ni a
GST 2.0 Kalpui hnua rate thar hmang lo mi engemawzat pawisa chawi tir an ni