Pi Runliani ( 80) rawng taka thah a ni

ZOEN 19th August 2025 : Maubawk Kawn veng mi Pi Runliani ( 80) chu vawiin chhun dar 12:30 vel khan an chenna inah thi-a hmuh a ni.


Maubawk aṭanga thudawn danin, Pi Runliani te hi an chenna in-a eichhawp dawr nei an ni a, Chhun dar 12:30 vel khan an dawra thil lei tum-a kalten in hi a inkalh avangin an ngaih ṭha lovin an enchiang a, in chhungah a ruang hi puana lo inkhuhin an hmu a ni.


Thudawn lakna in a sawi danin, Pi Runliani hi a hrawkah zai a ni a, an in rawk tum tuten an that ni ngeia ngaih a ni. Pawikhawihna thlen thuhi khawtlang hruaitute hriattir nghal niin, Police lam hrilh nghal a ni a. Thil buaipui ngai hrang hrang Police leh Forensic lamin an buaipui nghal a, tun dinhmunah thu chiang hriat theih a la ni rih lo a, Pi Runliani (80), Maubawk thattu nia rinhlelh mi pathum Maubawk mi pakhat leh Lawipu nia inchhal mi pahnih te chu Police lam chuan thuzawhfiah atan an la tawh a ni.