ZOEN 18th August 2025 : MNF Sub.Hqtrs. Lunglei Vigilance Cell chuan vawiin khan an Chairman Pu H.Lalremruata(Treasurer) ni bawk kaihhruaiin MNF Office-ah HPC Lunglei Annual Plan 2024-2025 RTI hmanga an zawhna leh chhanna Press mi te an pe.
Pu H. Lalremruata chuan HPC Annual Plan-a an dah hi a vaiin Rs Nuai 700 hmanna a ni tih a sawi a, hna 112 tih chhuah a niin Govt Agencies-ah hna 29 niin a vaiin Rs Nuai 213.73 (30.53%) pek an ni a, Link Road laih nan hna 18 siamin avaiin Rs Nuai 146.7(20.96%) a ni a, Community Base Organisation-ah hna 22 siamin a vaiin Rs Nuai 110.8(15.83%) a ni a, Work pangngaiah hna 42 siamin a vaiin Rs Nuai 225.57(32.22%) pek chhuah a ni a ti.
HPC hnuaia hna sem sawmah hian Lunglei North huamchhungah hnathawh tamber in 39, Lunglei East-ah 20, Lunglei South-ah 16, Lunglei West-ah 22, Thorang-ah 14 leh West Tuipuiah1 thawh a ni. Hnathawk tam ber Pu C. Lalhmingliana, Chanmari (ZPM Southern Hqtrs) chuan hna 6 thawkin avaiin Rs 50.9 lakh a thawk a, F. Lalhmingmawia Zohnuai pawh hming lang tam pawl niin a ni hian hna 5 thawkin avaiin Rs Nuai 17.8 vel niin RTI chhan naah tarlan a ni.
MNF Sub.Hqtrs hotu te chuan tupawhin hna thawk se, a tak takin an thawk em, an hna a tha em tih chu an sawi tur ni lovin mipui in ngaihdan siam se an duh tih an sawi a, annni pawhin heng hnatahwhna thlalak leh hna hming leh a hmun tarlan thenkhat chu an nei tih an sawi. Hetihrual hian tu emaw hming a hna chhuak hi hming neitu tak takin a thawk ngei em tih erawh chu an hriatphak bak a ni tih an sawi bawk.
More Stories
Lunglei ah World Rabies Day hman a ni
Mizoram hmung hrang hranga Sazu puang chuan Scrub typhus natna a pu darh nasa tih finfiah a ni a
GST 2.0 Kalpui hnua rate thar hmang lo mi engemawzat pawisa chawi tir an ni