LDYCC in Health ATM a hawng chu lawmawm an ti

ZOEN 18th August 2025 : LDYCC chuan vawiin chawhnu dar 1:00 khan LDYCC President Chamber ah OB meeting an nei. Meeting hi LDYCC President Pu Moses Lalrinchhana Chinzah chuan kaihruaiin Congress in hma an sawn theihna turah thalaite mawhphurna tur hrang hrang an rel bakah sawrkar kal lai mek in mipuite tana an hnathawhna kawngah thalaiten mipui hnen thleng phak rorelna an neih ngei theihna tura sawrkar kaihza ven sak a tul zia leh hmalak dan turte rel a ni.
Health Minister Pi Lalrinpuii’n vawiin chawhma dar 11:00 a Civil Hospital, Lunglei Seminar Hall a Civil Hospital Lunglei leh Primary Health Center (PHC) Lungsen a mi tur ‘Health ATM’ a hawng chu lawmawm a ti hle a. Health ATM kaltlanga awlsam taka BP, blood sugar, BMI, oxygen level leh thil hrang hrang awlsam taka an inenfiah ve thei tawh tur hi thil lawmawm tak a ni, an ti. Mizorama a hmasa ber tur Health ATM Civil Hospital Lunglei leh Lungsen PHC a dah a nih theih nana Mizoram Sawrkarin sum a sen ngai miah lova BRN leh ABCI company ten Manav Vikas Sanstha (MVS) kaltlanga an CSR fund atanga mipuite tana sum min haichhuah sak tu Deputy Commissioner, Lunglei leh a thawhpuite an fakawmin kan DC ni mek leh a hmaa DC lo awm tawh ten Lunglei hmakhua ngaia mipui tana thil tha, thil phawvuak mai mai ni lo a tak tak a thil tha tihna kawnga hma min lak sak thin tu kan nei hi Lunglei mipuite kan vannei takzet a, hetiang kawnga mipuite tana rawngbawlna kawngah hian zau zawk leh nasa zawka tan la tur leh kan DC te thawhrimna hi Lungleia kan MLA zawng zawngte hian an entawn a tul takzet an ti.

Civil Hospital Lunglei hi Covid lai atang tawh in kan MLA te aiin Lungleia DC lo awm tawh ten a thawm that leh mamawh phuhrukna kawngah an thawhhlawk zawk takzet a. Chhim mipui zawng zawng ten kan intawm Civil Hosapital Lunglei hi Chhim lama Minister kan neih chhun leh Health Department changtu ni bawk Pi Lalrinpuii hian tun aia nasa hian mi tha ring ringawt lovin kan neihchhun Civil Hospital Lunglei hi damdawiin rawng hnawih that ah ringawt duhtawk lo se, a thuam that na kawngah hian Minister a nih chhung hian nasa zawkin hma la se tih hi LDYCC duh dan leh kan ngenna a ni, an ti.
June ni 3, 2025 a Health Minister Pi Lalrinpuii’n Chhimbial Chhantu te bula a lo tiam June ni 3 atanga chhiara thlakhat chhungin Civil Hospital, Lunglei ah ICU hman theih a peih a ni ang a tih pawh a sawi atanga ni 76 lai mai a liam hnuin hman theih a la ni lova, ICU hman mai theih tura hmasawnna hmuh tur a vang hle. Health Minister hian mipuite hnena a lo intiam tawh ICU hman mai theih tura a sawi vawiin thlenga hman theih la ni si lo hi a chhan mipuite hnena a hrilhhriat hi LDYCC chuan kan phut tlat a, mi sawichhuah sa ringawt hawng lova mahni thawhrah ICU hi Civil Hospital, Lungleiah hman theih a nih thuai theih nan Lunglei mipuite hian Tlûmtea thlir in kan thlir a ni, an ti.