ZOEN 13th August 2025 : Excise & Narcotics, Assam Rifles leh CADS tang ho chuan nimin zing dar 8:45 khan Aizawl Thuampui vengah Heroin hawng 3 leh a neitu-a puh Vanlalrinawma (kum 22) Aizawl Zarkawt veng ni-a inchhal an man a.
He thubuai chhui zuina atangin nimin chhun dar 12:45 khan Bawngkawn Venglai-ah Heroin hawng 22 leh a neitu mi pahnih – Agnes Lalrempuii (kum 23) Muthi, tuna Bawngkawn Venglaia khawsa mek ni-a inchhal leh Lalngaihpuii (kum 31) Champhai District-a Diltlang khaw mi, tuna Durtlang Venglai-a khawsa mek ni-a inchhalte an man. Heng heroin neitu-a puhte inpuanna atang hian nimin chawhnu dar 2:45 khan Zuangtui-ah Heroin Hawng 12 an man belh a ni bawk.
Heroin man zawng zawng hi Hawng 37 a ni a. A neitu-a puhte hi ND&PS Act hmanga thubuai siamsak an ni.
More Stories
Lunglei ah World Rabies Day hman a ni
Mizoram hmung hrang hranga Sazu puang chuan Scrub typhus natna a pu darh nasa tih finfiah a ni a
GST 2.0 Kalpui hnua rate thar hmang lo mi engemawzat pawisa chawi tir an ni