Home Minister in Lunglei Press Club tlawhin MJA te nen inkawmhona an nei

ZOEN 15th August 2025 : Home Minister Pu K. Sapdanga, Prominent Journalist leh Former MJA Gen.Hqtrs President ni bawk chuan vawiin chawhnu dar 1:00 khan Lunglei Press Club tlawhin MJA Lunglei te nen hun an hmang ho.

Home Minister leh MJA te inkawmhona hun hi Pu K. Lalrinpuia, Treasurer MJA in kaihhruaiah, Pu H. Lalthansanga, President chuan inlawmna thusawiin Pu K. Sapdanga’n a hun hlutak seng a Lunglei Press Club-a MJA te nen hun a hmang thei chu lawmawm a tih thu leh MJA President anih lai a Mizoram pum a Journalist te suihkhawm a MJA Gen.Hqtrs a zaikhat a luangza thei tura amah leh a thawhpuite hmalakna chu thil chhinchhiah tlak tak leh Mizoram Journalist-ah chuan History ropui tak a ni kumkhua tawh dawn a, hei hian Mizoram hmun hrang hrang a, mize hrang hrang te pawh zaikhatah min khalhkhawmna hmanraw pawimawh tak a ni a ti.

Pu K. Sapdanga hi MJA Lunglei te hian thuziak cheimawi leh Ngaihhruina(Souvinir) an hlan a, Souvinir-ah hian Lunglei Journalist Association(LJA) ni thin MJA a an inchhunluh dawn lai vel tak a, Pu K. Sapdanga’n a lawmluh lai thlalak(photo) hlan a ni.

Pu K.Sapdanga Home Minister & Prominent Journalist chuan MJA te nen Lunglei Press Club a an in kawm naah thusawiin Journalist role hi khawvelah a hniam thei lo, kan rawngbawlna hi sorkar leh mipui tan entleu ngawt a theih loh. Mipui beisei erawh kan pha kher lo, chanchinbu mi te kan inhlawm khawmna hi min chawinungtu leh min ti hlutu a ni a ti.

Chanchinbu chhuah tawh mang lo ti a miten min sel hian rilru a na thin tih sawiin harsa tak kar a zichhuak kan ni a, ngaihdan hrang hrang kan la khawm a, chu chu a hlu. A nazawngin min sel mahse, kan rawngbawlna hi a hlu a ni a ti.
Sorkar kan hrawn tawh te an fel a, welfare fund te kan nei a, mi fel tam tak fak tur an awm laia ka sawi duh chu Dr.Thangtea a ni a ti. Minister a nih laiin vawi tam MJA in an dawr thin thu leh Official lamin a harsat tur zia an sawi pawhin a kal tlang pui a, A zarah Welfare fund kan nei a, lawmthu ka sawi nawn leh a ni a ti.
Pu Sapa hian Soft copy a chanchinbu chhuah leh hard copy a chhuah hi a hautak dan a in ang reng tho a ni tih sawiin hard copy a la ti hram hram te pawh an fakawm tih thu sawiin paper a sem erawh a ni vak tawh lo a ti. Lehkha phek a in teh hi kan intehna ber a ni tawh lova, thu thar mipui hnen a Opinion va chhawp sak kha Journalist te kan pawimawhna lai ber a ni a ti. Soft copy a ni emaw, TV,Visual,audio engpawhnise mipuiin an chhiar theih kha a hlutna lai ber a ni a ti.
Pu Sapa hian Journalism ah hian a la in chiah reng tih sawiin a pawimawh ber midang te tan a nun hi a pawimawh laitak a ni tih sawiin lungawi hi hausakna ber a ni tih sawiin kan profession ah hian lungawi ang u, lungawina hi a hlu ber a ni a ti. Eizawnna kawng hrang hrangah Journalist te mahni hnaah kan lungawi ber a ni tiin a thusawi a ti tawp a ni.