Addl DC Pi Rochuangkimi Khenglawt chuan vawiin khan thuchhuah siam thar leh in Bualte leh Thualthu inkar kawng a tlan te fimkhur tur leh loh theih loh thill tih lovah chuan Siaha leh Lawngtlai pan turemaw haw lam in zawh lo tur a hriattirin khawtlang hruaitu, QRT leh Police thurawn kalh zawng a bungrua te in hlanchhawng lo tur a hriattir in Sangau lama kal turin a hriattir.
Dt 5th Aug 2025 khan helai kawng a kal hi a him loh thu Addl DC Lunglei hian hriattirna a lo chhuah tawh a ni.Thualthu leh Bualte daia kawngchhak lam min chu a tlang tawh dawn emaw tih hnuah a min belh zel a, lirthei veivak tangkhang an awm belh a, harsatna an tawk chho zel.
DM&R Lunglei atangin Zonal Officer Pi Grace Lalremdiki chuan nitin a hmunah awmchilhin Quick Respone Team(QRT) leh Police te pawh kawng min atang khan helai velah hian chhun leh zanah an duty thin a ni. Khualzin tangkhang te ei leh in tur hi Thualthu leh Bualte Kohhran, VC leh YMA te chuan an bawlsak a, heng senso zawng zawng hi DM&R DC Office Lunglei chuan a tumsak a ni. Bualte khua hian an Kohhran hall-ah eirawng hi an bawl a, karkalta Inrinni 9th Aug.2025 atang khan nitin eirawng hi an bawl a, eirawngbawlna senso hi DC Office lam hian a tahtawl in an pe thin a ni. Vai Truck driver te erawh anmahni duh ang in buhfai an pe a, anmahni in an in bawl a ni.
Vawin Dt. 9.8.2025 khan Zoram Driver’s Union Sub Headquarter Lunglei ten Bualte leh Thualthu khaw inkara leimin avanga kawng laka tang te eiin atan Bualte VC leh YMA te kut ah Buhfai bag 5, alu bag 2 purunsen bag khat leh Dal bag 1 bakah tel leh aieng te an va pa e, member 13 lai an thawk chhuak.
Enlightener of Mizo
More Stories
Lunglei ah World Rabies Day hman a ni
Mizoram hmung hrang hranga Sazu puang chuan Scrub typhus natna a pu darh nasa tih finfiah a ni a
GST 2.0 Kalpui hnua rate thar hmang lo mi engemawzat pawisa chawi tir an ni