ZOEN 9th August 2025 : Mizoram Universal Healthcare Scheme (MUHCS)-ah chhungkua inziaklut 18,294 awm tawhin August thla chhung hian inziah luhna hun hawn leh a ni.
August thla chhung inziah luhna hun, grace period hawn chhung hian, inziah luh man erawh hun hawn pangngai lai ai khan 50%-in a sang thung a. August ni 4, Thawhtanni thleng khan General ward-ah chhungkaw 99 an inziah luh belh leh tawh a, semi-private-ah pasarih leh private-ah pasarih an inziak lut leh tawh bawk.
MUHCS a inziah luh hun pangngai kumin April leh June inkar khan general ward category atan cheng 2,500, semi-private ward atan cheng 5,000 leh private ward atan cheng 10,000 a ni a, Grace period chhunga inziah luhna man chu general ward category atan cheng 3,750, semi-private ward atan cheng 7,500 leh private ward atan cheng 15,000 a ni.
More Stories
Lunglei ah World Rabies Day hman a ni
Mizoram hmung hrang hranga Sazu puang chuan Scrub typhus natna a pu darh nasa tih finfiah a ni a
GST 2.0 Kalpui hnua rate thar hmang lo mi engemawzat pawisa chawi tir an ni