Non-Government Hospital Association ten MUHCS an zawmloh chhan an sawifiah

ZOEN 9th August 2025 : Vawiin khan Non-Government Hospital Association (NGHAM) buatsaiin New Serchhip Mercy Hospital ah Mobile Health Clinic neih a ni a, Serchhip leh a chheh vel khaw hrang hrang atangin mi 500 chuang lai an in entir a ni.

Vawiina Clicnic neihna-ah hian Non-Government Hospital Association (NGHAM) hruaitute leh leh ZPM Serchhip Block hruaitute inkawmin NGHAM hruaitute chuan Universal Health Care (MUHC) Scheme an zawm loh chhan an sawifiah a, Dr Lalrintluanga Jahau President, NGHAM leh a thawhpuite chuan MUHCS chu mipui tana tha nimahse Private hospital tlak chhiat hlenna tur a ni an ti a. Mizoramah Damdawi in awmsa ah pawh damlo an len mang loh laiin, mipui tana chhawr hleih theih lohva Private Hospital te an awm chu pawi an tih thu leh tha tak leh lungrual taka mipui tana tangkai thei ang bera thawh tlân ni thei se, chutiang ni thei tur chuan sorkar an ngaichang reng a ni an ti.
NGHAM hruaitute chuan, sorkar an do loh thu sawiin, Mizoram Universal Health Care System MUHCS hmang turin an inhnuhhniam theih thu sawiin, chutiang bawk chuan Mizoram sorkar pawhin ngaihtuahna a hmanthat leh ngei an beisei thu an sawi.

MUCHS hman theihna turin natna enna khawl hman man leh damlo enkawlna man sang zawk Max Hospital Delhi a mi pawh Mizoram sorkarin a pawm thei tho a, he Damdawi in a Mizoram tana 10% discount an pek pawh, Mizoram tan chauh ni lovin North East State tin te tan a ni a. Chuvangin Mizoram sorkar chuan Mizoram a damlo enkawlna a pek theih zat pe in, a bak chu damlo tena an pek turin ruahman leh mai se an ti a, hetihlai hian Sorkar tan pek tur zat pek nghal mai a harsat pawhin Damlo ten an pek fel hnua rulh leh tur pawhin ruahman leh mai theih a ni an ti a ni. NGHAM hruaitute chuan hetianga sorkar nen an inrem chuan Mizoram mipuiin Damdawiina inenkawlna kawnga harsatna an tawh mek chu a ziaawm deuh ngei ang an ti a ni.