Mamte khua leh Lungrang South khuaah Sazu puangin buh leh thlai tam tak a seh chhia

Thu lakna in a sawi danin, Mamte leh Lungrang South khuaa Lo neitute Buh leh thlai Sazu in a seh chhiatte hi Dist Agriculture Office Lungleia thawktute chuan a hmunah kal chilh nghalin Sazu in Buh leh thlai a seh chhiat dan te an enfiah bakah khawtlang hruaitute hnenah Sazu tur pein a hman dan tur an zirtir nghal a ni.

Mamte khua bikah hian Lo neitu chhungkaw 47 awmin Tin 46 hmun a zauvah Buhpui an ching a, Tin 6 hmun a zauvah thar rang chingin thar rang buh hi tin 5 hmun vela zau chu Sazu hian a seh chhe vek a, hei bakah hian tin 25 hmun a zauva an chin Bekang pawh a seh chhe nasa hle a ni. Lungrang South khuaah hian chhungkaw 30 in thlawhhma la in, chhungkaw 8 thlawhhmaah sazu hi a che a, tin 6 hmun vela zau buh vuite chu Sazu in an seh chhe tawh bawk.

Mamte khua leh Lungrang South a zau puang te hian thar rang buh leh Bekang an seh chhe nasa hle a Agriculture Department a thawktute chuan Sazu te hian Buhpui leh thlai dangte Sazu in a seh zel loh nan Zau puma Sazu hrai nghal turin khawtlang hruaitute an hrilh a ni.

Tunlai hian Dist Agriculture Office Lungleia thawktute chuan an in daihlo hle tih sawiin, Lo neitute buh leh thlai ei chhetu Sazu chet velna ngaihven a ngaih bakah Digital Agriculture enfiah leh Agriculture Crop hun tiam chhunga Survey a ngaih bawk avangin an buai hle tih an sawi a, Local Council leh Village Council te chu an huam chhunga lo neitute harsatna thlen zawnga Sazu chet velna a awm chuan a rang thei ang bera Agriculture Department Office Lungleiah hriattir turin an ngen a ni.