ZOEN 18th Sept. 2025 : Vawiin dar 12:30 pm vel khan Lunglei Serkawn Hall chhak, CHDK pengah Tui leak hmuh a ni a, hemi avang hian Tui pump lai titawpin Bialtu SDO(T), SO leh an naute’n an enfiah nghal a, Tlawng atanga Tui Pump line lian Puak keh atanga lo chhuak ngei a ni tih finfiah a nih hnuah JCB te ko in an buaipui nghal a, zaninah hian zawh hman ngei tumin, chawl lovin an la thawk chhunzawm ngar ngar a ni .
Hemi avang hian vawiin chawhnu lama tui dawngtur te leh Naktuk lama tui pek tura ruahmante tui pek hun tur a tlai ta hi Lunglei PHE Dept chuan pawi a tiin mipuite hriatthiamna an ngen tak meuh meuh a ni.
Hetih rual hian Kawngpui laih chhiat phalsaktu PWD chungahte leh, Traffic Police te’n Motor veivakte buai loh nan an buaipui nghal char charte leh zanin thlenga min la vil ngar ngar avangin lawmthu kan sawi mawlh mawlh tiin Superintending Engineer, PHED Lunglei WATSAN Circle chuan a tarlang.
Enlightener of Mizo
More Stories
Lunglei ah World Rabies Day hman a ni
Mizoram hmung hrang hranga Sazu puang chuan Scrub typhus natna a pu darh nasa tih finfiah a ni a
GST 2.0 Kalpui hnua rate thar hmang lo mi engemawzat pawisa chawi tir an ni