ZOEN 18th Sept. 2025 : Nimin khan Assam Rifles duty te chuan an thudawn bawhzuiin Champhai District-a Zote khua ah Metamphetamine tam tham tak an man a, tualchhunga hralhna rate atanga chhutin cheng vaibelchhe 102 leh nuai 65 man hu a ni.
Thudawnna in a tarlan danin Assam Rifles duty te hian ramri kana ruihhlo tawlh tum hi lo nangchingin ruihhlo keng tu pa hian a thil ken lai chu dahin ramhnuai lamah a tlanchhia a, a thil kalsan tak an enchian chuan Ruihhlo thahnem tak Methamphetamine Tablet kg 34 leh gram 200 chuang alo awm a, hei hi cheng vaibelchhe 102 leh nuai 65 man hu nia chhut niin ruihhlo man hi Champhai District Excise and Narcotics Department hnenah hlan a ni.
Nimin vek khan Assam Rifles leh Territorial Army, Aizawl tangkawp chuan an thudawn bawhzuiin Zemabawk ah Heroin gram 12 an man a, a neitu nia puh Lalchhuanmawia (kum 25) Champhai Zote pawh man nghal niin ruihhlo an man sak hlut zawng hi cheng nuai 8 sing 4 a ni a, Ruihhlo hi Excise and Narcotics, Aizawl kutah hlan nghal a ni bawk.
More Stories
Lunglei ah World Rabies Day hman a ni
Mizoram hmung hrang hranga Sazu puang chuan Scrub typhus natna a pu darh nasa tih finfiah a ni a
GST 2.0 Kalpui hnua rate thar hmang lo mi engemawzat pawisa chawi tir an ni