ZOEN 18th Sept. 2025 : CSS hnuaia hnathawkten sorkara dah ngheh an ngiat chungchang ngaihtuaha ZPM Coordination Committee vawiina ṭhukhawm chuan Dan phal chinah Regularisation Scheme siamthat ni se an ti.
Vawiina Chief Minister Pu Lalduhoma kaihhruai ZPM Coordination Committee thukhawm chuan CSS employees chungchang ngaihtuahin an ṭhukhawm a, CSS Employees Regularization Scheme sawrkar hmasa, MNF sorkarin a duan sa chu tidanglam loa hman a ni a, hei hi a khirh deuh avangin CSS Employees Regularization Scheme chu danin a phal chinah awlsam deuh zawka siamthat leh nise tih a ni a, hei vang hian, CSS employee-te chu mipui harsatna siam tawh loa hna ngai chhunzawm tawh turin a ngen a ni.
Hetihlai hian CSS hnuaia thawk intelkhawm All Mizoram CSS Employees Coordination Committee, AMCECC chu an thil ngiat nawr nan nimin atanga tiamchin awm lova an chawlh zui avangin zirna in leh damdawi lama inenkawlna hmun te a nghawng tawh hle a.
Akashvani Aizawl zawhna chhangin AMCECC General Secretary Pu Vanlalpeka chuan vawiin khan Mizoram hmun hrang hranga AMCECC Sub Headquarters te chu pun khawm huaihawt vek a ti a, Aizawl huamchhunga AMCECC member te chuan Youth Recreation Centre (YRC), Falkland-ah kalkhawmin Chief Minister hova Party thuneitu thukhawm ten an thil phut chungchang an ngaihtuah chu an ngaichang tih a sawi bawk.
More Stories
Lunglei ah World Rabies Day hman a ni
Mizoram hmung hrang hranga Sazu puang chuan Scrub typhus natna a pu darh nasa tih finfiah a ni a
GST 2.0 Kalpui hnua rate thar hmang lo mi engemawzat pawisa chawi tir an ni