YMA Sub. Hqrs. Siaha in thuchhuah siam

ZOEN 8th Sept. 2025 : YMA Sub.Hqtrs Siaha chuan Dt 8th Sept 2025 khan thuchhuah siamin Group YMA tih ni thin kha Sub Hqtrs YMA tia thlak mai a ni a, hemi chungchanga harsatna a awm kha pawi kan ti takzet an ti.
Thuchhuah in a tarlan dan chuan kum 1978 khan Siaha Vaipi huam chhungah YMA din a lo ni tawh a, Bazar Branch YMA tih a ni.Kum 1984 khan Group 7th YMA(Chhimtuipui Group YMA) hi din a ni ta a, tunah hian YMA Member 1500 vel an awm a, thang chho zel tur a beisei ni mahse CYMA, Sub.Hqtrs.YMA Lunglei, CYLA Gen.Hqtrs leh MTP Gen.Hqtrs hruaitu te chuan Jan. 29, 2016 khan Lawngtlaiah inhmukhawmin tun ami bak, a thar a din belh tur a hmalak loh nise an tih angin Siaha Dist chhungah hian YMA Branch dang hi din belh a ni tawh lo an ti.
Hetihlai hian Mizoram chhunga Dist tinah Sub.Hqtrs YMA din anih deuh zel avangin Sub.Hqtrs.YMA Siaha hi din ve turin Sub.Hqts YMA Lunglei chuan CYMA-ah dilna a siam ta a ni. Hemi chungchangah hian hriatfiah tawk loh thil a awm a, hei hi pawi an ti a, hetianga Sub Hqtrs YMA Siaha din anih avang hian YMA Branch dang din belh lam hi rilru a ni lova, Group YMA tih ni thin kha Sub Hqtrs YMA tia thlak mai a ni. Ram leh khawtlang thatna thilah chuan MTP leh NGO dang te nen thawhhona tha neih zel kan beisei an ti.

YMA Sub.Hqtrs Siaha OB te chu:

• President : Prof. Chawngkhuma Chawngthu
• Vice President : Pu Zamvela Ralte
• Secretary : Pu R. Lalnghakliana
• Asst. Secretar : Pu Robert Zothansanga
• Treasurer : Pu Lalchhuanawma
• Fin. Secy : Pu PC. Lalhmingthanga