CSS Employees ten Vawiin atangin Mass Casual Leave la dawn

All Mizoram CSS Coordination Committee General Body Meeting chuan tun thla ni 3 khan thuchhuah siamin, Mizoram sorkara an dinhmun siamṭhatna tur resolution an siam a, resolution-ah chuan CSS employee-te’n Regularisation Scheme an hman ve ngei theih nan siam rem ngai siam remsak tura sorkarin ngaihtuahna a sêng miah lo leh, DPAR Minister thurawn anga AMCECC-in representation an thehluh tawh lehkha an tihbosak leh, a thlenna tur official hnen a thleng lo chu mak an tih thu an sawi a, hei hi rang taka ngaihtuahsak a, tihhlawhtlinsak turin sorkar an phût a. Mizoram sorkar hnuaia thawk CSS employee-te’n Regularisation of CSS Employees Scheme, 2024 hnuaia department hrang hrang proposal an hnâwl zel laia CSS pawh ni lo, Health department hnuaia thawk health worker mi 31, MR skilled-II, PE-a convert-te he dan hmanga an dah ngheh te chu sorkarin cancel turin an phut bawk a, CSS hnuaia thawkte ‘dan lo anga lak’ tia Chief Minister-in 2025 Independence Day lawmnaa a sawi chu nâ an tih thu sawiin, CSS hnuaia thawkte chu dan ang thlapa lak an ni a, dan lo anga lak an awm chuan, dan lo anga latute chu zawng chhuaka action na taka la turin an phut bawk a ni.