ZOEN 8th Sept 2025 : Tarlan tawh angin vawiin chawhnu dar 2:00 khan Lungleia Pawl hrang hrang hruaitute chuan Lunglei Press Club-ah Mizoram State University (MSU) Lunglei hmuna dah anih theih dan tur chungchangah inrawn khawmna an nei.
He hun hi MJA Lunglei te chuan Chhimbial chhantu te nena an inkawmhona an neih tuma pa chan chang tura ngen an nih angin Inrawn khawmna hun hi a buatsaih a ni.
Pu H.Lalthansanga MJA Dist Hqrs Lunglei President-in vawiin inrawnkhawmna hun hi a kaihruaia, Pu Thanghmingliana Secretary MJA Lunglei chuan pawl hrang hrang an sawm khawm chhan te a sawifiah a, Pawl hrang hrang aiawh, YMA Sub Hqrs Lunglei, MZP leh MSU-te’n an hmalak tawhna te report pein, Lunglei Thalai Pawl pawhin State University Lungleia awm ngei tura an duh thu leh Sawrkarin a duh leh duhloh a nih mai thu a sawi a, MHIP Sub Hqrs President pawhin State University chu Lungleiah awm ngei se an duh thu leh hmalakna ang ang thlawp an tum tih a sawi.
Vawiina pawl hrang hrang aiawh-a thusawitute hian January thlaa NGO Coordination Committee-in Sawrkar a lo ngen tawh laia engmah chhanna awm lo va, Assembly-ah Aizawla awm tura Bill Pass hnan an ni chu tha nat thlak an tih thu an sawi.
Vawiina Lungleia tlawmngai pawl hrang hrang paruk hruaitute leh MJA Lunglei hruaitute kalkhawm chuan State University Demand Committee Lunglei din nise, MSU leh MZP ten hma lo la se, a rang thei ang bera hmalak chhunzawm nghal nise an ti. MHIP leh YMA erawh chuan Demand Committee a tel leh tel loh tur hi an pawl Executive meeting-ah sawiho hmasak phawt a tul thu an sawi.
More Stories
Lunglei ah World Rabies Day hman a ni
Mizoram hmung hrang hranga Sazu puang chuan Scrub typhus natna a pu darh nasa tih finfiah a ni a
GST 2.0 Kalpui hnua rate thar hmang lo mi engemawzat pawisa chawi tir an ni