ZOEN 8th Sept.2025 : Kumin March ni 10-a Mizorama African Swine Fever (ASF) vawk pulhri len leh tan atanga tun thlengin vawk 8,875 a thi tawh.
Animal Husbandry & Veterinary department hotute sawi danin nimin khan ASF vawk pulhri avang hian Lunglei district a Tawipui North-ah vawk 37 thi report a awm a, Khawzawl district a Khualen leh Chawngtlai khua-ah vawk 6 thi-in Champhai district khaw pathumah vawk 1 theuh an thi bawk a, a vai a vawk thi zat hi 46 a ni a. Niminah khan vawk suat a awm lo thung. Tun dinhmunah hian ASF vawk pulhri hi district 8-a khua leh veng 155-ah a leng mek a, vawk thi tawh zat hi 8,875 a ni a. Vawk vulhtu chhungkua 3,531 in an tuar a ni.
Siaha district chu vawk pulhri tuar nasa ber niin vawk 3,359 a thi tawh a, khaw 38 a chhungkaw 1,283 zetin an vawk engemawzat an chan tawh a ni. Vawk pulhri darh zel venna atan vawk 3,426 suat a ni tawh a, Lunglei district-ah vawk suat a tam ber a, khaw 39-a chhungkaw 709 te vawk vulh lai damlo 1,619 suat a ni tawh a ni.
-AIR Aizawl
More Stories
Lunglei ah World Rabies Day hman a ni
Mizoram hmung hrang hranga Sazu puang chuan Scrub typhus natna a pu darh nasa tih finfiah a ni a
GST 2.0 Kalpui hnua rate thar hmang lo mi engemawzat pawisa chawi tir an ni