ZOEN 7th Sept. 2025 : Thla hmasa August Ni 2 atanga tun thla ni 5 inkar chhung khan Central YMA ruihhlo heroin hawng 122 leh tic tac bur 307 an man.
Heng ruihhlo man kaihhnawihah hian mi 289 man an ni a, man zinga 169 te chu counseling pek an nih thu Central YMA hruaitute chuan sawiin Excise & Narcotics hnenah mi 22 pek an ni bawk a ni. Central YMA hian hemi hun chhung hian heroin bakah ruihtheihthil dang, ruih nana hman thin damdawi, codeine bur 2,689 ,Ganga kg 12 leh gram 230 an man bawk a, heng bakah hian Ruihna dang Pregabalin, NAP 10, Alphazolam, Tramadol, Tumispas leh a dangte an man tel bawk a ni.
Thla hmasa August ni 25 khan Central YMA leh Mizoram Police IGP Pu H. Ramthlengliana te chuan Mizoram sorkarin ruihhlo do beihpui, Special Drive on Drugs a thlak tur chungchangah Myanmar leh India ram inrina Tiau lui atanga Mizorama ruihhlo lo luhna khua zawng zawng fang chhuak tawhin, khawtlang hruaitute nen inkawmhona hun an hmang a, September ni 2 khan Central YMA leh Mizoram State Legal Services Authority te chuan Aizawl khawpui chhunga Branch YMA hruaitute tan dan zirtirna hun an buatsaih bawk a ni.
-Source AIR Aizawl
More Stories
Lunglei ah World Rabies Day hman a ni
Mizoram hmung hrang hranga Sazu puang chuan Scrub typhus natna a pu darh nasa tih finfiah a ni a
GST 2.0 Kalpui hnua rate thar hmang lo mi engemawzat pawisa chawi tir an ni