ZOEN 7th Sept. 2025 : Mizoram Journalist Association (MJA) Lunglei te chuan naktuk Ni 8 September 2025 Chawhnu dar 2:00 hian Lunglei Press Club Conferece Hall ah Mizoram State University Lunglei a dah a nih ngei theih nan hmalak dan tur sawiho pui turin NGO hrang hrang OB te a sawm.
Ni 3 Sept. 2025 khan MJA meeting chuan Chhimbial chhantu in State University Lunglei ah din a nih theih nana pa chan chang a theihtawp chhuah a hma la tur leh a hnarkaitu ni tur a an ngenna chu an lo ngaihtuah ho tawh a, Lunglei leh chhim lam tan he State University hi kan mamawh leh nakin hun,kan tu leh fa te tan pawh thil tangkai tak anih thute sawiho a lo ni tawh a, Lunglei leh chhimbial tan thil pawimawh tak anih avangin hmalak a ngai ta tih an thuchhuahah an lo tarlang tawh bawk a ni.
Naktuk meeting tur hian pawl hrang hrang MJA ten Mizoram State University chungchang sawiho tura an sawmte chu YMA Sub-Hqrs, Lunglei, MHIP Sub-Hqrs.Lunglei , MUP Hqrs. Lunglei, MZP Hqrs. Lunglei, MSU Regional Hqrs. Lunglei, Chhimbial Chhantu leh Lunglei Thalai Pawl te an ni.
More Stories
Lunglei ah World Rabies Day hman a ni
Mizoram hmung hrang hranga Sazu puang chuan Scrub typhus natna a pu darh nasa tih finfiah a ni a
GST 2.0 Kalpui hnua rate thar hmang lo mi engemawzat pawisa chawi tir an ni