ZOEN 7th Sept. 2025 : Kolasib District chhung Bukvannei khua a Pu Lalrinmawia In, chu nizan dar 8:00 bawr vel khan a kang a, a kan ral hma in mipui pungkhawm ten an thelh hmanin, mihring thi leh hliam an awm lo.
Pu Lalrinmawia hi a fapa kum 11vel mi nen a khawsa niin, In kan lai hian an pafa in an thiante In ah leng in chaw an ei nghal a, In kàn chhan hi hriat nilo mahse, an mei chhemna thuk atanga chhuak ni a rin a ni. In hi a kang chhe nasa hle a, a bang Tile leh a chung Rangva te chu hman zui tlak loh in a kang chhia a, a scarting leirawhchan (brick) erawh a kang chhe lo ni a hriat a ni.
He in hi sorkar laipui hnuaia mirethei In sak tanpuina sum hmanga sak niin, a chhuat cement, a bang dap leh a chung rangva ani a. In kang hi khawtlanga mi tlawmngai kal khawm ten theihtawp an chhuah hnu ah a kan ral hma in an thelh thei hram a, an bungrua pawh a kang chhe nasa hle niin thudawnna chuan a sawi.
In kanna hmun hi tukin zing khan an khawtlanga hruaitu VCP Pu Zothana leh VC member te leh tlawmngai pawl hruaituten a hmunah an en a, In sak that hnatlang neih hun tur erawh an la rel leh ang.
More Stories
Lunglei ah World Rabies Day hman a ni
Mizoram hmung hrang hranga Sazu puang chuan Scrub typhus natna a pu darh nasa tih finfiah a ni a
GST 2.0 Kalpui hnua rate thar hmang lo mi engemawzat pawisa chawi tir an ni