ZOEN 1st Sept. 2025 : Kumin January atanga April thla chhung khan Mizoramah thla tin naupiang 1,827 an awm a, hetihlai hian thla tin mi 700 vel an thi a ni.
Mizoram sawrkara Economics & Statistics Department-in Mizoram Monthly Vital Report of Births and Deaths 2025 a tarlan tawh chinah, kumin January leh April thla chhung khan Mizorama district 11-ah naupiang 7,307 an awm a, mipa 3,710 leh hmeichhia 3,597 an ni a, Chawhrualin thla tin naupiang 1,827 an awm ang a ni.
January atanga April thla chhung vek khan district 11-ah mitthi 2,801 chhinchhiah a ni a; mipa 1,816 leh hmeichhia 985 niin, thla tin mi 700 an thi ziah ang a ni bawk.
Economics & Statistics Department-in thla 4 chhung report a neih chinah hian kum 1 hnuai lam thi 86, kum 1-5 inkar thi 13 leh thisaa naupiang 34 an awm bawk a ni.
More Stories
Lunglei ah World Rabies Day hman a ni
Mizoram hmung hrang hranga Sazu puang chuan Scrub typhus natna a pu darh nasa tih finfiah a ni a
GST 2.0 Kalpui hnua rate thar hmang lo mi engemawzat pawisa chawi tir an ni