Lunglei lam kutchhuak film tha zinga mi tur, Chhangte Film Production film siam ‘Thutiam Tui Leh Mei’ tih chu September 5 zan 7:30 hian Saikuti Hall-ah release a ni dawn a, hemi zan vekah Lersia Play-ah lei theiha chhawpchhuah nghal a ni ang.
He film-ah hian; Sangtea Chhangte, Marylin Chhanchhani, David Zawma, Esther Hnamte, Chama Thangluah, Sena Ngente, Elvis te bakah actor hriat hlawh thahnem tak an in lan a ni. DOP hi Lalruatpuia (Peter Video Production) niin, David Zawma chu Director a ni a, Joe Chhangte (Chhangte Film Production) produce a ni.
Mizo rilrem zawng tak; chhungkua leh thian inkar, nula tlangval in hmangaihna kara harsatna leh buaina hrang hrang thleng te hmuhnawm leh ngaihnawm taka lan tir a ni. Mizo ten sakhuana kan lâk lungrun kara, a phéna kan nunphung tak tak te ril taka pholan a ni a, Kohhran lamin uar taka kan kalpui chhoh tur ruihhlo dona chungchang pawh a film laimu pawimawh a ni bawk.
More Stories
Lunglei ah World Rabies Day hman a ni
Mizoram hmung hrang hranga Sazu puang chuan Scrub typhus natna a pu darh nasa tih finfiah a ni a
GST 2.0 Kalpui hnua rate thar hmang lo mi engemawzat pawisa chawi tir an ni