Mizoram Rural Bank chu PMJDY hnuaia Bank Account hawn tamna ber bank a ni

 

Pu V. Lalrinmawia MRB head office, financial inclusion, manager  chuan PMJDY chu India rama mipui zawng zawng, mi harsa zawk te pawhin Bank account an neih theihna tura sorkar laipui hmalakna a ni a ti a, Mizoramah pawh Bank hrang hrangten hma an la tih sawiin, Mizoram pumah PMJDY account nei mi nuai 4, sang 3, 79 an awm a, chung zinga, account nuai 3, sing 1, sang 4, 259 chu Mizoram Rural Bank a mi a ni a ti a, mipa account nuai 1, sing 4, 5691 leh hmeichhe nuai 1, sing 6, sang 8, 568 an ni a, Mizoramah MRB chu PMJDY account hawng tam berna a ni a ti a, account la siam ve lote chu Sorkar lakpui hmalakna hnuaia Bank account hawn theih tha tak tak te chu ngaihvena hmang tangkai ve turin a sawm a. Hei bakah hian an bank account in kum 10 a tlin hunah an bank account a buai loh nan KYC re-verification nachang hre turin mipuite a chah a ni.

 

Pradhan Mantri Jan Dhan Yojana hi kum 2014 August ni 28 khan Prime Minister Pu Narendra Modi chuan hawngin, kum 11 chhungin ram pumah account vbc 56 hawn a ni tawh a, heng zinga za zela 56% chu hmeichhiate tana hawn niin, hmun 3-a thena hmun 2 chu khawpui pawn, Rural leh Semi Urban a cheng te tana hawn a ni.