ZOEN 29th August 2025 : September ni 2 thleng awh tur Lai Autonomous District Council, Budget Session chu vawiin khan LADC Session Hall, Lawngtlai ah tan a ni.
He Session hi Chairman Pu VL Hmuaka chuan kaihruaiin Session ah hian Chief Executive Member Pu N Zangura’n kum 2025-2026 LADC sum hman tura ruahman leh sum hmanna tur te House ah a pharh a, CEM chuan kum 2025-2026 chhunga LADC Budget atan ruahman zat chu Cheng Nuai 26,355.07 a ni tih sawiin, Chhiah tlingkhawm atanga hmuh beisei cheng Nuai 421 a nih thu a sawi a, Budget pumpui atangin Cheng Nuai 21,202.50 chu thawktu hlawh a hmantur a nih thu a sawi.
Pu N.Zangura chuan Chhiah tlingkhawm atanga pawisa hmuh thinte chu tangkai taka hman a nih thin thu sawiin, Budget tharah Nuai 421 hmuh beisei pawh mipui, chhiah pe thinte leh thawktute vangin an beiseizat an tlin ngei a beisei tih a sawi a, kum kalta aiin Budget punna chu cheng nuai 1392.36 a ni tih sawiin Mizoram Sorkar chungah lawmthu a sawi.
Vawiin Session ah hian Eptu lam ZPM Legislature Party hruaitu, Opposition Leader Pu V Zirsanga chuan Session koh a nihdan ah LADC dan palzutna a awm tih sawiin, inhnial buaina thleng kar ah Chairman chuan Session hi karleh Thawhtanni a chhunzawm turin a titawp a ni.
More Stories
Lunglei ah World Rabies Day hman a ni
Mizoram hmung hrang hranga Sazu puang chuan Scrub typhus natna a pu darh nasa tih finfiah a ni a
GST 2.0 Kalpui hnua rate thar hmang lo mi engemawzat pawisa chawi tir an ni