NTUM in Work Department 3-a MR te PE a hlankai an nih theih nan Minister hmu

National Trade Union Of Mizoram chuan Works Department pathum PWD, PHE & P&E a Muster Roll a awm mekte Provisional Employees (PE) a hlan kai an nih theihna atan Minister pathum an hmu.

NTUM hruaitute chuan thuchhuah siamin Chief Minsiter thurawn angin P&E Minister Pu F. Rodingliana, PWD Minister Pu Vanlalhlana leh PHE Minister Professor Lalnilawma-te chu PWD, PHE & P&E a MR-a thawk mekte PE-a hlan kai an nih theihna tur atan an hmu tih an tarlang a, an lo dawnsawn danah an lawm thu an tarlang bawk.

An department chan theuha Proposal siam tura NTUM-in an ngen angin Commissioner Secretary hnen-ah ziakin department theuhte September 2025 chhunga proposal siam a, Department of Personnel & Administrative Reforms a theh lut tura an ngennaah hma an laksak avangin lawm thu an sawi a, a hlawhtlin ngei theih nan beiseina sang tak nen an thlir reng dawn tih an tarlang a ni.