One Dist One Product(ODOP) chu chaktaka kalpui mek a ni

ZOEN 21st August 2025 : Lunglei DC hmalakna One Dist One Product(ODOP) chu chaktaka kalpui mek zel a ni a, Balhla atanga thil siam chhuah chu a tum ber ni.
Hetihlai hian tunlai hian Balhla um hmin tawh leitur hi Lungleiah a van lai tak a ni a, Bazar pui berah pawh lei tur hmuh tur a awm mang lo. Hemi chungchangah hian Balhla chingtu thenkhat chuan ruahsur leh tunlai khawchhia vangin Balhla kung a tlu/tliak nasa tih an sawi. Horticulture Deptt erawh in balhhla kung in harsatna a tawh thu hi an la dawng lo tih an sawi a, hetiang a Natural calamities anga ngaihtheih hi a thleng anih chuan Deptt-ah loneitu te hian report se, an nin DM&R lamah an report ve leh mai tur thu an sawi.
Balhla atanga chips siam chu tunah pawh kalpui mek a ni a, heibakah hian balhla atanga lazai(fibre) lakchhuah tum a ni. Fibre la chhuak tur hian Project siam a niin CM’s Innovation Scheme hnuaiah pawh Dist Level inel naaah Luunglei Dist chuan pakhatna a lo la tawh a ni.
Chips siam chhuak tur hian Entrepreneur 30 chuang awm in Horticulture Deptt Lunglei kaihhruaiin July ni 3 khan KVK leh ATMA te nen pawh Training neih a lo ni tawh. Chips siamchhuah te hi sarang pangngai mai a khung lovin labelling leh sticker mawi zawk leh mit la zawk a siam turin ruahman mek a ni.
Dist. Administartion lam chuan a ngaihpawimawh avangin Entrepreneur te hnenah PMEGP Loan an hmuh theih dan tur te kawhhmuh in C&I Deptt te nen pawh ruahmanna siam a ni a, DRDO pawhin Bahla chinna tur Terrace te pawh Loneitu te tan hian an laihsak tawh a, he Project hlawhtlin nan hian Deptt hrang hrang te nen a thawhho(convergence) a kal pui mek zel a ni.