Naktip, Thawhlehni khian BJP hruaitu Chief Executive member (CEM) Pu N. Zangura kaihhruai sorkarin thlawptu a ngah leh ngah loh Lai autonomous district council (LADC)-ah fiah a ni dawn.
Larsap Gen. Vijay Kumar Singh chuan Lai autonomous district council (LADC) chief executive member (CEM) Pu V. Zirsanga’n Ningani kalta a banna a theh luh chu hemi ni vek hian a pawm a. Hemi ni vek hian united democratic alliance (UDA) legislature party hruaitu Pu N. Zangura chu CEM atan ruat ani a district council & minority affairs (DC&MA) department chuan Zirtawpni khan hriattirna chhuahin CEM atana Pu N. Zangura ruat a nih thu hi an puang a. LADC-ah sorkarna chelh thei turin thlawptu a ngah tawk em tih August ni 19-a finfiah turin a hriattir nghal a ni. Pu Zangura chuan thlawptu a ngah tawk leh ngah tawk loh fiahna (floor test) hi a awm a nih phawt chuan a fiah theih ngei a inbeisei tlat thu Akashvani Aizawl a hrilh a. Lai zirlai pawlte’n a hma ang khan harsatna an siam loh a beisei thu leh tun dinhmunah chuan boruak tha lo a awm lo niin a sawi a ni.
More Stories
Lunglei ah World Rabies Day hman a ni
Mizoram hmung hrang hranga Sazu puang chuan Scrub typhus natna a pu darh nasa tih finfiah a ni a
GST 2.0 Kalpui hnua rate thar hmang lo mi engemawzat pawisa chawi tir an ni