ZOEN 17th August 2025 : Nimin chhun dar 11:00 vel atang khan Khawzawl, Champhai leh Saitual District a Ngopa tlangdung-in Zuangtui atanga Power supply darkar 28 chhung an dawn theih tawh loh avangin mihring khawsak phung nasa takin a khaihlak mek.
Power & Electricity department hotute hnen atanga thu dawn danin Kawlphetha awm loh chhan hi Keifang leh Khawzawl inkar Tuivawl lui kam ah transmission line chhia awmin ngawrh taka siam mek a ni a, Saitual leh Vankal inkarah 132KV line chhiain Kawlkulh ram chhunga R- Phase Polymer disc a puncture bawk a, thlak mek niin an siam that theih hun tur hriat a ni rih lo ani.
Hetihlai hian Champhai leh Khawzawl district-in Power an lakna pakhat, Serchhip Bukpui – East Lungdar – Khawzawl – Champhai 132 kv power line chu Serchhip leh Keitum inkarah Power banpui a tluk chhiat avangin Khawzawl leh Champhai District te hian Line dang atangin Power an dawng thei chuang lo a ni.
More Stories
Lunglei ah World Rabies Day hman a ni
Mizoram hmung hrang hranga Sazu puang chuan Scrub typhus natna a pu darh nasa tih finfiah a ni a
GST 2.0 Kalpui hnua rate thar hmang lo mi engemawzat pawisa chawi tir an ni